Biz haqimizda
Bolalar kontentini rivojlantirish markazi O‘zbekiston Respublikasi Prezidentining 2025-yil 15-maydagi “Bolalar uchun mo‘ljallangan milliy kontentlar yaratish va ularni ommalashtirishni qo‘llab-quvvatlash chora-tadbirlari to‘g‘risida”gi PQ-183-son qaroriga muvofiq tashkil etilgan bo‘lib, undan ko‘zlangan maqsad farzandlarimizni milliy o‘zligimiz mezonlariga zid bo‘lgan kontentlarning salbiy ta’siridan va salomatligiga zarar yetkazishi mumkin bo‘lgan axborotlardan himoya qilish, shuningdek, ularni ta’limga keng jalb etish, kasbga yo‘naltirish hamda yuksak vatanparvarlik ruhida tarbiyalashga mo‘ljallangan milliy kontentlar yaratishni qo‘llab-quvvatlashdan iborat. Bolalar kontentini rivojlantirish markazi bolalar uchun mo‘ljallangan tarbiyaviy, ma’rifiy ahamiyatga ega milliy kontentlar va targ‘ibot vositalari yaratishni qo‘llab quvvatlaydigan, bolalarga milliy madaniyat, san'at, adabiyot, tarix va ma'naviy qadriyatlar haqida tushunchalar beradigan milliy kontentlarni joriy qiluvchi tashkilotdir.
Rahbariyat
Ahmedov Jahongir Odilxo‘jayevich
Markaz direktori
Toshxo‘jayev Hasan Javlonovich
Ijodiy masalalar bo‘yicha direktor o‘rinbosari
Qurolov G‘ulomjon Abdumalik o‘g‘li
Moliyaviy masalalar bo‘yicha direktor o‘rinbosari
Xalqaro hamkorlik
Faoliyat
Bolalar uchun mo‘ljallangan tarbiyaviy, ma’rifiy ahamiyatga ega milliy kontentlar va targ‘ibot vositalari yaratishni qo‘llab-quvvatlash.
Xorijiy kontentlarning bolalar ongi va dunyoqarashiga ta’sirini tahlil qilish orqali ularning eng sara va foydali namunalarini o‘zbek tiliga tarjima qilish hamda ommaviy namoyishga tavsiya etish.
Respublika hududida bolalar uchun mo‘ljallangan zararli axborotlar tarqalishining oldini olishga hamda bolalar va ota-onalarning media savodxonligini oshirishga qaratilgan materiallar tayyorlashni yo‘lga qo‘yish.
Xorijda istiqomat qilayotgan vatandoshlar orasida bolalar uchun mo‘ljallangan milliy kontentlarni ommalashtirish bo‘yicha chet ellardagi madaniy markazlar bilan hamkorlik qilish.
Bolalar uchun foydali hisoblangan kontentlarni tavsiya qiluvchi ijtimoiy tarmoq sahifalari va sun’iy intellekt tizimlarini joriy etish.
Bolalar uchun mo‘ljallangan milliy kontentlarni yaratishga xorijiy mutaxassislarni jalb qilish bo‘yicha xalqaro tashkilotlar bilan qo‘shma loyihalar ishlab chiqish va ularni amalga oshirish.
Bolalarga milliy madaniyat, san’at, adabiyot, tarix va ma’naviy qadriyatlar haqida tushunchalar berishga, ularda ekologik madaniyatni shakllantirish hamda sog‘lom turmush tarzi ko‘nikmasini rivojlantirishga mo‘ljallangan milliy kontentlar yaratishga oid loyihalarni joriy qilish.
Bolalarning o‘zbek tilida ravon so‘zlash va imloviy xatolarsiz yozish ko‘nikmasini rivojlantirishga mo‘ljallangan interaktiv dasturlar yaratish.