[{"id":"block-1763711556953","key":"block-1763711556953","label":"Bolalar kontentini rivojlantirish markazi \"Yoʻl-Bars berar dars\" nomli, bolalarga yoʻl harakat qoidalarini oʻrgatuvchi koʻp qismli multserial loyihasiga ijodiy tanlov eʼlon qiladi.","content":"

Mazkur loyiha Oʻzbekiston Respublikasi Maktabgacha va maktab taʼlimi vazirligi hamda Oʻzbekiston Respublikasi Ichki ishlar vazirligi Jamoat xavfsizligi departamentining Yoʻl harakati xavfsizligi xizmati bilan hamkorlikda amalga oshirilmoqda.

"},{"id":"block-1763711596520","key":"block-1763711596520","label":"Tanlov shartlari","content":"

Tanlovga taqdim etiladigan materiallar quyida koʻrsatilgan talablarga muvofiq boʻlishi lozim:

loyihaning asosiy qahramonlari, syujet liniyasi, gʻoya va mazmuni aks etgan, davlat tilida, adabiy til va imlo qoidalariga rioya qilingan holda A4 format, 14 keglda, \"Times New Roman\" shriftida, 1,0 intervalda yozilgan 2-3 betdan iborat sinopsisning qogʻoz va elektron shakli;
loyihani amalga oshiradigan ijodiy guruh tarkibi va filmografiyasi, studiya tomonidan amalga oshirilgan loyihalar, multserial qahramonining taxminiy qiyofasi va loyihani amalga oshirish bilan bogʻliq boshqa jarayonlarni qamrab oluvchi taqdimotning albom shakli (qogʻoz va elektron variantda);
loyihaning taxminiy xarajatlar smetasi.

Takliflar berish muddati tugagan paytda kamida ikkita loyiha qabul qilingan boʻlsa, tanlov sharti bajarilgan, deb topiladi.

Bolalar kontentini rivojlantirish markazi Ekspertlar kengashi bir oy davomida loyihalarni koʻrib chiqadi, baholaydi, gʻolib loyihani belgilaydi hamda yigʻilish bayoni bilan rasmiylashtiradi.

Gʻolib aniqlanmagan holda, qayta tanlov eʼlon qilinadi.

Tanlov ishtirokchilari eʼlonda koʻrsatilgan manzil va tartib asosida oʻz loyihalariga ariza hamda studiya haqida qisqacha maʼlumotni biriktirgan holda, Bolalar kontentini rivojlantirish markaziga taqdim qilishlari lozim.

Tanlov shartlariga qatʼiy amal qilinmagan, imloviy xatolari bor, mavzuga aloqasi boʻlmagan, faqat internet maʼlumotlari va sunʼiy intellekt tayyorlagan matndan iborat loyihalar tanlovga qoʻyilmaydi.

Taqdim etilayotgan loyihalarda bolalarning maʼnaviy hamda ruhiy dunyosiga salbiy taʼsir koʻrsatuvchi, insoniy qadriyatlarga zid, milliy mentalitetimiz va anʼanalarimizga, yosh toifasiga mos boʻlmagan munosabatlar aks ettirilmasligi lozim.

Tanlovga hujjatlar 2025-yil 13-oktyabrdan 2025-yil 13-noyabrga qadar qabul qilinadi.

Mazkur loyiha Oʻzbekiston Respublikasi Maktabgacha va maktab taʼlimi vazirligi hamda Oʻzbekiston Respublikasi Ichki ishlar vazirligi Jamoat xavfsizligi departamentining Yoʻl harakati xavfsizligi xizmati bilan hamkorlikda amalga oshirilmoqda.

Izoh: taqdim etilgan loyihalarga taqriz berilmaydi va mualliflarga qaytarilmaydi.

Telefon: +998555111505 (ichki 1005).

Manzil: Toshkent shahri, Olmazor tumani, Ziyo koʻchasi, 2-\"A\" uy

"}]

Yoʻl-Bars berar dars

Loyihaga aloqador yangiliklar